अमिताभ यांच्या कारकिर्दीची ५० वर्षे, अभिषेकने लिहिली भावूक पोस्ट

बॉलिवूडचा शहनशाह अशी ओळख असलेल्या अमिताभ बच्चन यांच्या फिल्मी करियरला ५० वर्षे पूर्ण झाली आहेत.

मेगास्टार अमिताभ बच्चन यांनी फिल्म इंडस्ट्रीमध्ये ५० वर्षे पूर्ण केली आहेत. त्यांच्या या गोल्डन ज्युबली निमित्ताने अभिषेक बच्चन यांनी अमिताभ यांचा एक ब्लॅक अँड व्हाईट फोटो शेअर केला आहे. यासोबतच त्याने अमिताभ यांच्यासाठी खास मजकूरही लिहिलाय.

शेअर केलेला फोटो 'सात हिंदुस्थानी' या बच्चन यांच्या पदार्पणाच्या चित्रपटाच्यावेळचा आहे. यात अमिताभ खूप तरुण दिसत आहेत. अभिषेक यांनी लिहिलंय, ''केवळ मुलगा, एक चाहता आणि अभिनेता म्हणूनच नाही तर, आम्हा सर्वांना एका महान व्यक्तीला पाहण्याची संधी मिळाली. यातील बरेच काही कौतुकास्पद, प्रशंसनीय आणि शिकण्यासारखे आहे. आम्ही बच्चनच्या काळापासूनचे आहोत असे सिनेप्रेमींमधील अनेकांना बोलताना पाहिलंय. फिल्म इंडस्ट्रीत ५० वर्षे पूर्ण केल्याबद्दल शुभेच्छा, पापा!!. पुढील ५० वर्षे याची वाट पाहू..खूप प्रेम.''

'सात हिंदुस्तानी' हा चित्रपट १९६९ मध्ये रिलीज झाला होता. यात अमिताभ यांनी बिहारच्या एका मुस्लीम कवीची भूमिका साकारली होती. चित्रपटात वेगवेगळ्या धर्माचे पाच लोक मुख्य भूमिकेत होते.

कामाच्या पातळीवर अमिताभ सध्या 'कौन बनेगा करोडपती'मध्ये होस्ट म्हणून काम करीत आहेत. काही दिवसापूर्वी बच्चन यांना अचानक रुग्णालयात दाखल करण्यात आले होते. सध्या ते पुन्हा शूटींगच्या कामात व्यग्र झाले आहेत.

अमिताभ लवकरच 'गुलाबो सिताबो' चित्रपटात दिसणार आहेत. यात त्यांनी वृद्ध व्यक्तीची भूमिका केली आहे.