मुंबई- अमिताभ बच्चन आणि तापसी पन्नूच्या मुख्य भूमिका असलेला 'बदला' चित्रपट शुक्रवारी प्रदर्शित झाला. या सस्पेन्स थ्रिलर चित्रपटाला प्रेक्षकांचा उत्तम प्रतिसाद मिळताना दिसत आहे. सिनेमाची पहिल्या दिवसाची आता कमाई समोर आली आहे. पहिल्या दिवशी दुपारनंतरच्या शोला प्रेक्षकांची गर्दी झाल्याचं म्हटलं जात आहे.
पहिल्याच दिवशी चित्रपटाने बॉक्स ऑफिसवर ५.०४ कोटींची कमाई केली आहे. चित्रपट व्यापार विश्लेषक तरण आदर्श यांनी ट्विट शेअर करत याबद्दलची माहिती दिली आहे. यात अमिताभ बच्चन वकिलाच्या भूमिकेत आहेत. याआधीही तापसी आणि अमिताभ यांनी 'पिंक' चित्रपटात स्क्रीन शेअर केली होती. विशेष म्हणजे या चित्रपटातही अमिताभ वकिलाच्या भूमिकेत होते.