मुंबई -पंतप्रधान नरेंद्र मोदी यांच्यासाठी अमेरिकेच्या ह्यूस्टन येथे 'हाऊडी मोदी' या कार्यक्रमाचं आयोजन करण्यात आलं होतं. यावेळी अमेरिकेचे राष्ट्राध्यक्ष डोनाल्ड ट्रंप यांच्यासह नरेंद्र मोदी यांनी भारतीय आणि अमेरिकन नागरिकांना संबोधित केलं. मोठ्या जल्लोषात यावेळी उपस्थितांनी मोदींचे स्वागत केले. बॉलिवूड कलाकारांनीही या कार्यक्रमाची प्रशंसा केली आहे. आपल्या सोशल मीडिया अकाऊंटद्वारे त्यांनी आपल्या प्रतिक्रियाही दिल्या आहेत.
बॉलिवूडचा दबंग स्टार सलमान खान याने मोदी आणि अमेरिकेचे राष्ट्राध्यक्ष डोनाल्ड ट्रंप यांची प्रशंसा केली. दोन्ही देशाच्या या एकजुटीने आणखी पुढे जाता येईल, असे ट्विट त्याने केले आहे.
दिग्दर्शक करण जोहर यानेही हा क्षण फार गौरवशाली असल्याचे म्हटले आहे. भारत आणि सर्व जगभरात राहणाऱ्या भारतीयांसाठी हा क्षण मोठ्या उत्साहाचा आणि प्रेरणादायी असल्याचं ट्विट त्याने केलं आहे.
हेही वाचा - 'ये दोस्ती हम नहीं तोडेंगे'.. संपूर्ण ह्युस्टन मोदीमय !
ज्येष्ठ अभिनेते अनुपम खैर यांनीही 'ह्युस्टन मध्ये कमालीचा जोश आहे', असे ट्विट केले.