मुंबई -आयुष्मान खुरानाचा बहुचर्चित असलेला 'ड्रीमगर्ल' उद्या म्हणजेच १३ सप्टेंबरला प्रदर्शित होतोय. या चित्रपटाच्या पोस्टरपासून ते ट्रेलरपर्यंत सर्वच गोष्टींनी चाहत्यांवर भूरळ पाडली आहे. चित्रपटाच्या ट्रेलरवर तर चाहत्यांच्या भरभरुन प्रतिक्रिया आल्या आहेत. याशिवाय या ट्रेलरला २५ मिलियनपेक्षा जास्त व्हिव्ज मिळाले आहेत. आता नुकतंच या चित्रपटातलं पार्टी साँग प्रदर्शित झालं आहे. प्रदर्शनाच्या एक दिवस आधीच 'ड्रीमगर्ल'ची टीम या गाण्यात धमाल पार्टी करताना पाहायला मिळते.
आयुष्मान खुराना आणि नुसरत भरुचा यांच्या पार्टी साँगची सोशल मीडिया आणि यूट्यूबवर चांगलीच धूम आहे. 'झी म्युझिक' कंपनीच्या यूट्यूब चॅनेलवर हे पार्टी सॉन्ग रिलीज करण्यात आलं. 'गट गट' असं या गाण्याचं नाव आहे. या पंजाबी पार्टी सॉन्गमधील व्हिडिओत नुसरत आणि आयुष्मानच्या डान्स मूव्ह्ज पाहण्यासारख्या आहेत.
हेही वाचा -मुंबईत बाप्पाच्या दर्शनासाठी कलाकारांची मांदियाळी