मुंबई - हॉलिवूडच्या 'द लॉयन किंग' या चित्रपटाच्या हिंदी व्हर्जनची बऱ्याच काळापासून चर्चा सुरू आहे. या हिंदी व्हर्जनमध्ये शाहरुख खान यातील मुख्य पात्र 'मुफासा'ला आवाज देणार आहे. तर, 'सिंबा'च्या पात्राला शाहरुखचाच मुलगा आर्यन खानचा आवाज मिळणार आहे. काही दिवसांपूर्वीच शाहरुखने त्याच्या आवाजातील 'मुफासा'चा व्हिडिओ शेअर केला होता. त्यानंतर आर्यनचा आवाज ऐकण्याची चाहत्यांना उत्सुकता होती. ही उत्सुकता आता संपली आहे.
आर्यनच्या आवाजातील द लॉयन किंगचा नवा टीजर अलिकडेच प्रदर्शित झाला आहे. या टीजरमध्ये आर्यनच्या आवाजाची झलक एकायला मिळते. शाहरुखने सोशल मीडियावर हा टीजर शेअर केला आहे. 'मेरा सिंबा', असे कॅप्शन त्याने या व्हिडिओवर दिले आहे.