'नो गन्स ओन्ली गट्स', अर्जुन कपुरच्या 'इंडियाज मोस्ट वान्टेड'चा टीजर प्रदर्शित

अॅक्शन आणि क्राईम थ्रिलर असलेल्या या चित्रपटात अर्जुन कपुर महत्वपूर्ण भूमिका साकारत आहे.

मुंबई - 'नो गन्स ओन्ली गट्स' अशी दमदार टॅगलाईन असलेला 'इंडियाज मोस्ट वांन्टेड' या चित्रपटाचा टीजर प्रदर्शित झाला आहे. सत्य घटनेवर आधारित असलेल्या या चित्रपटात अर्जुन कपूर मुख्य भूमिकेत दिसणार आहे. १५ एप्रिललाच या चित्रपटाचे पहिले पोस्टर प्रदर्शित झाले होते. आता टीजरमध्येही एक दमदार भूमिका साकारण्यासाठी अर्जुन सज्ज झाल्याचे पाहायला मिळत आहे.

अॅक्शन आणि क्राईम थ्रिलर असलेल्या या चित्रपटात अर्जुन कपुर महत्वपूर्ण भूमिका साकारत आहे. भारताला हवा असलेला सर्वात क्रुर गुन्हेगार ज्याचे नाव 'इंडियाज ओसामा' असे आहे, त्याला पकडण्यासाठी अर्जुन सज्ज होताना या टीजरमध्ये दिसते.

या चित्रपटाचे दिग्दर्शन राज कुमार गुप्ता हे करत आहेत. तर फॉक्स स्टार स्टुडिओज अंतर्गत या चित्रपटाची निर्मिती करण्यात आली आहे. हा चित्रपट २४ मे २०१९ ला चित्रपटगृहात झळकणार आहे.