टॉलीवुडमधील नावाजलेली अभिनेत्री अनुष्का शेट्टी हीने आपल्या कुटुंबीयांसमवेत साई चरणी लीन झाली. आज पहाटे साईमंदिरात जावून काकड आरतीला हजेरी लावत साई समाधीचे दर्शन घेत आपल्या आगामी 'निशब्दम' या तेलुगु चित्रपटाच्या यशासाठी साईंना साकडं घातलय.
येत्या 31 जानेवारीला अनुष्काची प्रमुख भुमिका असलेला 'निशब्दम' हा चित्रपट प्रदर्शीत होणार आहे. त्या आधी साईभक्त असलेली अनुष्का कालच आपल्या आईवडीलांसमवेत शिर्डीला आली होती. त्या नंतर तीन आज पहाटे चार वाजता साईमंदिरात गेली. येथे साईंची काकड आरतीला ती उपस्थित राहिली. त्या नंतर साईंच्या समाधीचे दर्शन घेतले आहे.
या पुर्वीही दोन वेळा अनुष्काने साईचरणी माथा टेकला आहे. आज बऱ्याच कालखंडा नंतर साईं दर्शन घेण्याचा योग आल्याचा आणि काकड आरती करत दर्शन घेऊन मनाला समाधान आणि शांती मिळाल्याची भावना अनुष्काने साई मंदिरातील कर्मचारी यांच्याकडे व्यक्त केली आहे.
