मुंबई - महानायक अमिताभ बच्चन सोशल मीडियावर नेहमी सक्रिय असतात. सर्व स्तरातील प्रेक्षक त्यांच्या अभिनयाचे चाहते आहेत. सर्व धर्माचे लोक त्यांच्याकडे आदराने पाहत असतात. अमिताभही प्रत्येक सणावाराला चाहत्यांना शुभेच्छा द्यायला विसरत नाहीत. आज त्यांनी वारकऱ्यांना आषाढी एकादशीच्या शुभेच्छा दिल्या आहेत.
विशेष म्हणजे अमिताभ यांनी या शुभेच्छा मराठीमध्ये दिल्या आहेत. त्यासोबत त्यांनी विठ्ठल रखुमाईची पाना-फुलात आणि सुंदर दागिण्यात मांडण्यात आलेल्या पूजेचे फोटो शेअर केले आहेत.