मुंबई - बॉलिवूडचे महानायक अमिताभ बच्चन आणि जया बच्चन यांच्या जोडीने बॉलिवूडचा एक काळ प्रचंड गाजवला आहे. त्यांच्या ऑनस्क्रिन जोडीला प्रेक्षकांचे भरभरून प्रेम मिळाले आहे. आता बऱ्याच काळानंतर बिग बींसोबत जया बच्चन यांची भूमिका पाहायला मिळणार आहे. दाक्षिणात्य कलाकारांसोबत ते आगामी चित्रपटात झळकणार आहेत. अमिताभ यांनी या कलाकारांसोबतचा फोटो देखील शेअर केला आहे.
तेलुगू अभिनेता अक्किनेनी नागार्जुन, तमिळ स्टार प्रभू आणि कन्नड अभिनेता शिवा राजकुमार यांच्यासोबतचा एक फोटो बिग बींना ट्विटरवर पोस्ट केला आहे. यासोबत त्यांनी लिहिलंय, 'जया आणि माझ्यासाठी हा एतिहासिक क्षण आहे. भारतीय सिनेक्षेत्रातील ३ महान सुपरस्टारचे मुले एकत्र आले आहेत.
हेही वाचा -ही आहे हृतिक रोशनची पर्सनल टीम