मुंबई - बॉलिवूड अभिनेते संजय मिश्रा यांची मुख्य भूमिका असलेल्या 'कामयाब' चित्रपटाचा ट्रेलर काही दिवसांपूर्वीच प्रदर्शित झाला आहे. शाहरुख खानच्या रेड चिलिज अंतर्गत या चित्रपटाची निर्मिती करण्यात आली आहे. चित्रपटाच्या ट्रेलरवर नेटकऱ्यांनी भरभरुन प्रतिक्रिया दिल्या आहेत. आता अजय देवगननेही या ट्रेलरवर आपली प्रतिक्रिया दिली आहे. संजय मिश्रा यांनी त्याच्यासोबतचा एक व्हिडिओ सोशल मीडियावर शेअर केला आहे.
या व्हिडिओमध्ये अजय देवगन संजय मिश्रा यांच्यासोबत संवाद साधताना दिसतो. 'मी माझ्या करिअरमध्ये फक्त १०० भूमिका साकारल्या आहेत. पण, संजय मिश्रा यांनी एकाच चित्रपटात ४९९ भूमिका साकारण्याचे काम केले आहे. आता ५०० वी भूमिका आपण सोबत साकारू', असे अजय देवगन संजय मिश्रा यांना म्हणतो.