'तान्हाजी' चित्रपटाचा टीझर प्रदर्शित, ट्रेलरही लवकरच येणार भेटीला

या चित्रपटाचा ट्रेलर प्रदर्शित करण्यापूर्वी एक १२ सेकंदांचा टीझर व्हिडिओ शेअर करण्यात आला आहे. स्वराज्यापेक्षा प्रिय काहीच नाही, असे या व्हिडिओमध्ये सुरुवातीलाच पाहायला मिळते.

मुंबई -बॉलिवूडमध्ये आजवर ऐतिहासिक चित्रपटांना विशेष पसंती मिळाली आहे. त्यामुळेच आत्तापर्यंत बरेचसे ऐतिहासिक चित्रपट प्रदर्शित झाले आहेत. आता अभिनेता अजय देवगणचा 'तान्हाजी - द अनसंग वॉरिअर' हा चित्रपटही प्रेक्षकांच्या भेटीला येणार आहे. या चित्रपटातील कलाकारांचे फर्स्ट लूक समोर आल्यानंतर आता या चित्रपटाचा टीझरही प्रदर्शित करण्यात आला आहे.

छत्रपती शिवाजी महाराजांचा मावळा तानाजी मालुसरे यांची शौर्यगाथा या चित्रपटाच्या निमित्ताने रुपेरी पडद्यावर झळकणार आहे. 'आधी लगीन कोंढाण्याचे, मग रायबाचे', असे म्हणून त्यांनी आपल्या प्राणाची बाजी लावून कोंढाणा गड राखला. त्यांच्या शौर्याची हीच गाथा तान्हाजी चित्रपटात उलगडणार आहे.

हेही वाचा -'तान्हाजी'च्या निमित्ताने अजयच्या चित्रपटाचं शतक, पाहा खास व्हिडिओ

अजय देवगण हा तानाजींच्या भूमिकेत दिसणार आहे. या चित्रपटाचा ट्रेलर प्रदर्शित करण्यापूर्वी एक १२ सेकंदांचा टीझर व्हिडिओ शेअर करण्यात आला आहे. स्वराज्यापेक्षा प्रिय काहीच नाही, असे या व्हिडिओमध्ये सुरुवातीलाच पाहायला मिळते.

अभिनेता शरद केळकर या चित्रपटात शिवाजी महाराजांची भूमिका साकारत आहे. अजय देवगण सोबत काजोल सैफ अली खान आणि पंकज त्रिपाठीचीही या चित्रपटात भूमिका आहे. १० जानेवारी २०२० ला हा चित्रपट प्रदर्शित होईल.

हेही वाचा -'तान्हाजी' चित्रपटातील शिवाजी महाराजांचा फर्स्ट लूक, तर जिजाऊंच्या भूमिकेत झळकणार 'ही' अभिनेत्री