मुंबई - अभिनेता अजय देवगनच्या करिअरमधला एक उत्कृष्ट चित्रपट म्हणून 'ओमकारा'चे नाव घेतले जाते. या चित्रपटाला १३ वर्षे पूर्ण झाले आहे. तरीही या चित्रपटाच्या गाण्यांची चाहत्यांवर छाप आहे. यातील गाण्यांनी प्रेक्षकांवर भूरळ पाडली होती. ही गाणी आजही लोकप्रिय आहेत. अजयने या चित्रपटाच्या आठवणीत एक पोस्ट शेअर केली आहे.
अजयच्या पोस्टसोबतच 'ईरॉस नाऊ'च्या अकाऊंटवरुनही एक व्हिडिओ शेअर करण्यात आला आहे. या व्हिडिओमध्ये 'ओमकारा'च्या सर्व गाण्यांची झलक पाहायला मिळते.
'ओमकारा' चित्रपटाची कथा ही शेक्सपिअरच्या 'ओथेलो' या कादंबरीवर आधारित होती. अजय देवगनने यामध्ये 'ओमकारा शुक्ला' हे पात्र साकारले होते. तर, अजयसोबत करिना कपूर ही मुख्य भूमिकेत झळकली होती.