मामुटीनंतर दुलकीर सलमानलाही झाली कोरोनाची बाधा

अभिनेता दुलकीर सलमानने सोशल मीडियावरुन आपल्या चाहत्यांना कळवलंय की, तो कोरोनाग्रस्त झाला आहे आणि आयसोलेशनमध्ये रहात आहे.

मुंबई (महाराष्ट्र) - अभिनेता दुलकीर सलमानने गुरुवारी सांगितले की त्याची सौम्य लक्षणांसह कोरोनाव्हायरसची चाचणी पॉझिटिव्ह आली आहे. काही दिवसापूर्वी त्याचे वडील मामुटी यांना कोरोनाची लागण झाली होती. त्यानंतर सलमानने घेतलेल्या कोविड चाचणीत तो पॉझिटिव्ह ठरला आहे.

सलमानने ही बातमी शेअर करण्यासाठी त्याच्या अधिकृत सोशल मीडिया हँडलचा वापर केला. त्याने थोडक्यात लिहिलंय की तो आता आयसोलेशनमध्ये रहात आहे.

"मी नुकतीच कोविड 19 ची पॉझिटिव्ह चाचणी केली आहे. मी घरी वेगळेा रहातआहे आणि मला फ्लूची सौम्य लक्षणे आहेत पण अन्यथा मी ठीक आहे. जे लोक गेल्या काही दिवसांपासून शूट दरम्यान माझ्या जवळच्या संपर्कात होते, त्यांनी वेगळे रहावे आणि कोविड चाचणी करुन घ्यावी.'', असे सलमानने लिहिले आहे.

मल्याळम सुपरस्टार मामूटी यांनी 16 जानेवारी रोजी त्यांची कोविड-19 चाचणी पॉझिटिव्ह आल्याचे कळवले होते. की सावधगिरी बाळगूनही त्यांना विषाणूचा संसर्ग झाल्याचे त्यांनी आपल्या निवेदनात म्हटले होते..

केंद्रीय आरोग्य मंत्रालयाच्या आकडेवारीनुसार गुरुवारी भारतात 3,17,532 नवीन कोरोनाव्हायरस संक्रमण नोंदले गेले आहे. त्यामुळे कोविड-19 प्रकरणांची एकूण संख्या 3,82,18,773 झाली, ज्यामध्ये ओमायक्रॉन प्रकारातील 9,287 प्रकरणांचा समावेश आहे.

हेही वाचा -‘नार्को क्वीन’ शशिकला पाटणकर ची बायोपिक आणतोय दिग्दर्शक समित कक्कड!