मुंबई -अभिनेता हृतिक रोशन आणि टायगर श्रॉफ यांचा 'वॉर' चित्रपट लवकरच प्रेक्षकांच्या भेटीला येणार आहे. सध्या या चित्रपटाचं जोरदार प्रमोशन सुरू आहे. या चित्रपटाचं अॅडव्हांस बुकिंगही सुरू झालं आहे. २७ सप्टेंबर पासून या चित्रपटाचं तिकिट बुक करता येणार आहे.
मल्टीप्लेक्स आणि सिंगल स्क्रिन्ससाठी अॅडव्हांस तिकिट बुकिंग सुरू झाली आहे.
बॉलिवूडचे दोन अॅक्शन हिरो एकत्र येणार असल्यामुळे चाहत्यांना या चित्रपटाची आतुरता आहे. दोघांचा धमाल डान्स असलेलं 'जय जय शिवशंकर' हे गाणं देखील सोशल मीडियावर हिट झालं आहे. अभिनेत्री वाणी कपूर देखील यामध्ये भूमिका साकारणार आहे. त्यामुळेच 'यशराज फिल्म्स'ने पाच दिवसांपूर्वीच या चित्रपटाच्या अॅडव्हांस बुकिंग सुरू केलं आहे.