वेबसीरिजमुळे मुलांमध्ये विकृती वाढत आहे - वर्षा उसगावकर

महिलांवर होत असलेले अत्याचार ही संतापदायक बाब आहे. महिलांनी देखील स्वत: स्वरक्षणाचे धडे घेणे गरजेचे असल्याचं मत वर्षा उसगावकर यांनी यावेळी व्यक्त केलं.

नाशिक - वेब सीरिज आणि यू-ट्यूबमुळे मुलांमध्ये विकृती वाढत असून यावर निर्बंध घालणं गरजेचं असल्याचं ठाम मत अभिनेत्री वर्षा उसगावकर यांनी व्यक्त केले. नाशिक येथे आयोजित एका कार्यक्रमात त्या माध्यमांशी बोलत होत्या.

वेब सीरिजवर सेन्सॉर नसल्यामुळे त्यामध्ये दाखवण्यात येणाऱ्या दृश्यांमुळे मुलांमध्ये विकृती वाढत चालली आहे. यू- ट्यूबवरील व्हिडिओंमुळेही त्यांच्या मानसिकतेवर परिणाम होत असून सरकारने याकडे लक्ष देऊन वेबसीरिजवर निर्बंध घालावे, असेही त्यांनी म्हटले आहे.

हेही वाचा -ईसाई धर्मीयांच्या भावना दुखावल्याप्रकरणी फराह खान, रवीना टंडन, भारती यांच्याविरोधात तक्रार दाखल

महिलांवर होत असलेले अत्याचार ही संतापदायक बाब आहे. महिलांनी देखील स्वत: स्वरक्षणाचे धडे घेणे गरजेचे असल्याचं मत त्यांनी यावेळी व्यक्त केलं.

महिलांवर होणाऱ्या अन्यायाप्रकरणी न्यायालयात लवकरात लवकर निकाल लागला पाहिजे, तसेच आरोपींना लगेच शिक्षा झाली पाहिजे. अरब देशात ज्याप्रकारे महिलांवरील अत्याचाराबाबत कडक कायदे आहेत, तसेच कायदे भारतात लागू झाल्यास अशा घटनांना आळा बसेल, असेही त्या म्हणाल्या.

हेही वाचा -ओळखा पाहू! कोणतं रूप आहे रिंकुचं शंभर नंबरी 'मेकअप'