मुंबई -मराठी चित्रपटसृष्टीत माफिया जगाचा किंवा गुन्हेगारी जगाचा वेध घेणारे फारच थोडे चित्रपट आजवर झाले. त्यातही अगदीच काही चित्रपटांनी उल्लेखनीय यश मिळवलं. आता 'आयपीसी ३०७ ए' या चित्रपटातून माफिया जगाची आणि तरीही भावनिक कथा मांडण्यात आली आहे. लवकरच हा चित्रपट प्रेक्षकांच्या भेटीला येणार आहे.
'संघर्षयात्रा', 'शिव्या', असे चित्रपट दिग्दर्शित केलेल्या साकार राऊत यांनी अर्थ स्टुडिओज या निर्मिती संस्थेच्या माध्यमातून 'आयपीसी ३०७ ए' या चित्रपटाची निर्मिती केली आहे. स्वप्नील देशमुख यांनी दिग्दर्शन केलं आहे. तर, अभिनेता सचिन देशपांडे हा मुख्य भूमिकेत झळकणार आहे. सचिन सोबत अन्य कलाकारही यात प्रमुख भूमिकेत आहेत. त्यांची नावे अद्याप गुलदस्त्यात ठेवण्यात आली आहेत.