मुंबई- चित्रपटविश्वातील सर्वोत्कृष्ट पुरस्कार म्हणून ओळखल्या जाणाऱ्या 94 व्या अकादमी पुरस्कारांनी (ऑस्कर अवॉर्ड्स) पुन्हा एकदा भरारी घेतली आहे. यंदाच्या पुरस्कार सोहळ्यासाठी देशातील आणि जगातील अनेक चित्रपट ऑस्करसाठी निवडले गेले आहेत. देशातील एकूण 14 चित्रपटांना ऑस्करमध्ये नामांकने मिळाली आहेत. त्यात विकी कौशलचा 'सरदार उधम' आणि विद्या बालनचा 'लायनेस' या चित्रपटाचाही समावेश आहे. त्यात आता तामिळ चित्रपट 'कूजंगल'चे (Koozhangal) नावही जोडले गेले आहे.
'कूजंगल' हा तमिळ दिग्दर्शक पीएस विनोथराज यांचा पदार्पणाचा चित्रपट आहे, जो ऑस्करसाठी जात आहे. 15 सदस्यीय निवड समितीचे अध्यक्ष शाजी एन करुण यांनी शनिवारी ही घोषणा केली. एफएफआयचे सरचिटणीस सुप्रान सेन म्हणाले की, हा निर्णय एकमताने घेण्यात आला आहे.