अभिनेता म्हणून लोकांपर्यंत पोहोचतो तेव्हा जबाबदारीची जाणीव होते - आयुष्यमान खुराणा

अभिनेता आयुष्यमान खुराणा बॉलिवूडमधील आजचा सर्वात यशस्वी नायक आहे. त्याची चित्रपटांची निवड गेल्या काही वर्षात अजिबात चुकलेली नाही. याबाबतचा खुलासा त्याने मनमोकळ्या गप्पामधून केला आहे.

मुंबई- अभिनेता आयुष्मान खुराणाने चित्रपट आणि ब्रँड एन्डॉर्समेंटची निवडण्याच्या आपल्या पद्धतीचा खुलासा केला आहे. व्यक्तीगत पातळीवर आपले विचार जेव्हा लोकांच्यापर्यंत पोहोचवायचे असतात तेव्हा जबाबदारीची जाणीव होते असे आयुष्यमानने म्हटले आहे.

आयुष्मान म्हणाला, "जेव्हा मी माझे चित्रपट निवडतो, तेव्हा मी फक्त कथेकडे पाहण्याचा प्रयत्न करतो. ही कथा अव्यवस्थेला तोडू शकेल का याचा विचार करतो, तसेच ही कथा फ्रेश आहे की नाही आणि लोकांचे चांगले मनोरंजन होईल का याचाही विचार करतो.''

हेही वाचा - अक्षय कुमार 'रामसेतु'चे आयोध्येत करणार शुटिंग

ते पुढे म्हणाले, “जेव्हा मी एखादा ब्रँड निवडतो तेव्हा मी खात्री करुन घेतो की त्यांना माझ्या माध्यमातून भारतीय लोकांना काणती कथा सांगायची आहे आणि कोणत्या नव्या पध्दतीने ते संदेश लोकांपर्यंत पोहोचवू इच्छितात.''

आयुषमानला वाटते की त्याच्या नावाशी जे काही संबंधित जोडले गेले आहे त्यातून लोकांचे मनोरंजन केले पाहिजे.

हेही वाचा - 'मेडे'मध्ये अमिताभ, अजय देवगणसोबत झळकणार अंगिरा धर

तो पुढे म्हणाला, "जेव्हा मला वाटते की जेव्हा मी वैयक्तिकरित्या देशभरातील लोकांपर्यंत पोहोचत असतो तेव्हा मला एक प्रकारचा मनोरंजक संदेश देणे आवश्यक आहे, जे माझ्यासाठी विलक्षण आहे. जर तुम्ही तसे पाहिले तर माझ्या अधिकतर भूमिकामध्ये वेगळी कथा असते. यातून मी कोण आहे याचे प्रतिबिंब दिसते आणि मी कोणासाठी उभा आहे हेही दिसते."

आयुष्मान सध्या अभिषेक कपूरच्या 'चंडीगढ़ करे आशिकी' या चित्रपटाच्या शूटिंगमध्ये व्यग्र आहे.