हैदराबाद (तेलंगणा) - अभिनेता विजय देवरकोंडा आणि रश्मिका मंदान्ना यांच्या डेटींगच्या अफवा पुन्हा उफाळून येत आहेत. कारण त्यांच्या गोव्यातील सुट्टीचे व्हिडिओ सोशल मीडियावर व्हायरल होत आहेत. विजय आणि रश्मिका यांनी गोव्यात आपले कुटुंबीय आणि काही जवळच्या मित्रांसह नवीन वर्षाचे स्वागत एकत्र केले होते.
गीता गोविंदम आणि डिअर कॉम्रेड सारख्या चित्रपटात एकत्र काम केलेले रश्मिका आणि विजय एकमेकांना डेट करत असल्याची माहिती आहे. तथापि, या जोडप्याने कधीही नातेसंबंधात असल्याचे कबूल केलेले नाही. परंतु त्यांच्या गुप्त प्रणयाची चर्चा अधून मधून रंगत असते.
लाइगरची पहिली झलक मित्र आणि कुटूंबासोबत पाहत असताना रश्मिका विजयसाठी हूटिंग करतानाचा व्हिडिओ सोशल मीडियावर व्हायरल झाला आहे. या व्हिडिओमध्ये, पॉवर-पॅक्ड लाइगर टीझरमध्ये विजयची आई देखील विजयकडे पाहून आनंद व्यक्त करताना दिसत आहे. आणखी एका व्हायरल क्लिपमध्ये, रश्मिका आणि विजय गोव्यात त्यांच्या मित्रांसोबत जेवणाचा आनंद लुटताना दिसत आहेत.