मुंबई - बहुप्रतीक्षित 'सेक्शन ३७५' या चित्रपटाचा ट्रेलर प्रदर्शित झाला आहे. अक्षय खन्ना खूप दिवसानंतर एका आक्रमक वकिलाच्या भूमिकेत झळकला असून रिचा चढ्ढाने पुन्हा एकदा दमदार भूमिकेतून प्रेक्षकांची मने जिंकण्याचा प्रयत्न केलाय. एका अत्यंत संवेदनशील विषयाला या चित्रपटाने हात घातलाय.
सेक्शन ३७५ हे स्त्रीवर होणाऱ्या लैंगिक अत्याचाराशी संबंधित आहे. घटनेच्या या कलमामध्ये अत्याचार करणाऱ्या विरुध्द शिक्षेची तरतूद असली तरी यात अनेक पळवाटा आहेत. याचाच उपयोग आरोपींचे वकिल करतात आणि आरोपी आरामात सुटतो. अशाच एका बेरकी वकिलाची भूमिका अक्षयने साकारली आहे.