HBD Katrina : कॅटरिना कैफला आहेत सहा बहिणी आणि एक भाऊ

बॉलिवूड अभिनेत्री कॅटरिना कैफ हिचा आज 16 जुलै रोजी वाढदिवस असून ती 38 वर्षांची झाली आहे. बॉलिवूडमध्ये तिने स्वतःची एक स्वतंत्र ओळख निर्माण केली आहे. तिने आपल्या अभिनयानं आणि सौंदर्यानं अनेकांची मनं जिंकली आहेत.

मुंबई- बॉलिवूड अभिनेत्री कॅटरिना कैफ हिचा आज 16 जुलै रोजी 38 वा वाढदिवस आहे. नमस्ते लंडन, अजब प्रेम की गजब कहानी, जब तक है जान, एक था टायगर, टायगर जिंदा है, भारत अशा अनेक चित्रपटांतून अभिनय करत कॅटरिनाने बॉलिवूडमध्ये आपले स्वतंत्र स्थान निर्माण केलं आहे.

कॅटरिना कैफचा 1984मध्ये आजच्याच दिवशी हाँगकाँगमध्ये जन्म झाला होता. भारतीय वंशाचे मोहम्मद कैफ आणि ब्रिटिश वंशाची सुजैन टरकोट यांच्या पोटी जन्मलेल्या कॅटरिनाला लहानपणापासूनच ग्लॅमरचे जग खुणवत होते. कॅटरिनाला सहा बहिणी आणि एक भाऊ आहे. सुरवातील कॅटरिना आईचे आडनाव लावायची. मात्र, ते उच्चारासाठी कठीण असल्याने तिने आडनाव बदलण्याचा निर्णय घेतला आणि वडिलांचे आडनाव लावण्यास सुरुवात केली.

बॉलिवूडची चिकनी चमेली कॅटरिना कैफनं आपल्या अभिनयानं आणि सौंदर्यानं अनेकांची मनं जिंकली आहेत. अभिनेत्री होण्याआधी कॅटरिनाने मॉडेलिंग केलं. तेलुगू आणि मल्याळम चित्रपटांमध्येही तिने भूमिका साकारली होती. दिग्दर्शक कैझाद गुस्ताद यांनी कॅटरिनाला ‘बूम’ या चित्रपटात अभिनेत्री म्हणून 2003ला तिला लाँच केले होते. त्यानंतर तीने बघता बघता बॉलिवूडची आघाडीची अभिनेत्री म्हणून मिरवण्याचा पल्ला गाठला.

कॅटरिना कैफची भावंडं

कॅटरिनाचे कुटुंब मोठे आहे. तिला तीन मोठ्या बहिणी आणि तीन धाकट्या बहिणी आणि एक मोठा भाऊ आहे. तिच्या डेब्यू फिल्म बूममध्ये या चित्रपटाची निर्मात्या आयशा श्रॉफ यांनी तिचे नाव कॅटरिना टर्क्कोटी (Katrina Turquotte )वरुन कॅटरिना कैफ असे ठेवले कारण भारतात बोलणे सोपे आहे. यापूर्वी तिचे नाव कॅटरिना काझी असे होते, परंतु नंतर हे नाव बदलून कॅरिना कैफ करण्यात आले.

कॅटरिनाचे आई वडील

तिची आई सुझान टर्क्कोटी एक वकील आणि एक सामाजिक कार्यकर्ती आहे. कॅटरिनासोबत तिचे खूप जवळचे बॉन्ड आहे आणि बर्‍याच कार्यक्रमांमध्ये दोघेही एकत्र दिसतात. कॅटरिना कैफचे वडील मोहम्मद कैफ हे काश्मिरी वंशाचे होते. ते एक व्यापारी होते. कॅटरिना लहान असताना सुझान आणि मोहम्मद विभक्त झाले आणि त्यानंतर ते अमेरिकेत गेले. कॅटरिनाने एकदा मुलाखतीत मीडियाला सांगितले होते की ती आपल्या वडिलांच्या संपर्कात नाही.

हेही वाचा - अखेर राहुल वैद्य चढला दिशासोबत बोहल्यावर