मुंबई - लॉकडाऊन उठल्यावर ॲक्शन-स्टार टायगर श्रॉफने आपल्या चित्रपटांचे चित्रीकरण पूर्ण करण्यास सुरुवात केली. गेल्या वर्षी त्याची भूमिका असलेला ॲक्शनने भरपूर ‘बागी ३’ प्रदर्शित झाला होता व चांगला बिझनेसही करत होता. परंतु कोरोना व त्यामुळे कपाळी आलेला लॉकडाऊन आणि त्यामुळे बंद झालेली चित्रपटगृहे यामुळे तुफान चालणारा चित्रपट अपेक्षित कमाई करू शकला नाही. आता टायगर आणि त्याचा लाडका दिग्दर्शक ‘बागी ४’साठी सुद्धा एकत्र येणार आहेत. त्याचप्रमाणे त्याच्या ‘हिरोपंती’ चा सिक्वेल येतोय त्याचेही दिग्दर्शन अहमद खानच करणार आहे.
टायगर श्रॉफ सुरु करतोय ‘हिरोपंती २’ चे शूटिंग! - ‘हिरोपंती २’ चे पोस्टर
साजिद नाडियादवाला निर्मित ‘हिरोपंती २’ च्या चित्रीकरणाची जुळवाजुळव सुरु झाली असून तो २ एप्रिलला प्रत्यक्ष चित्रीकरणाला सुरुवात होईल. या चित्रपटात टायगर श्रॉफचे भरपूर ॲक्शन सीन्स असून याचे मुंबईत शूट पार पडणार आहे.
टायगर श्रॉफ
‘हिरोपंती २’ ची घोषणा गेल्या फेब्रुवारीमध्ये करण्यात आली होती आणि यावर्षी टायगर श्रॉफच्या वाढदिवशी, २ मार्चला, त्याची प्रदर्शन तारीख, ३ डिसेंबर २०२१, घोषित करण्यात आली होती. त्या अनुषंगाने अभिनेता टायगर श्रॉफ आणि दिग्दर्शक अहमद खान येत्या २ एप्रिलला चित्रीकरणाचा शुभारंभ करीत आहेत.
हेही वाचा - ‘कोण होणार करोडपती' ला मिस्ड कॉल म्हणजे एक करोडचा कॉल!