टायगर श्रॉफ आणि श्रद्धाच्या 'बागी ३'चे शूटिंग

श्रद्धा कपूर आणि टायगर श्रॉफ यांच्या आगामी 'बागी ३' चित्रपटाच्या शूटिंगला किशनगडमध्ये सुरूवात झाली. 'दस बहाने कर के ले गयी दिल' या गाण्याच्या रिमिक्सवर टायगर आणि श्रद्धा थिरकले. यावेळी टायगरचे चाहते मोठ्या संख्येने हजर होते.

अजमेर - अभिनेता टायगर श्रॉफ आणि श्रद्धा कपूर यांनी 'बागी ३' चित्रपटाच्या शूटिंगला सुरूवात केली आहे. किशनगड येथील मार्बल औद्योगिक क्षेत्रातील डंपिंग यार्डमध्ये शूटिंगपार पडले. जयपूरमध्ये शूटिंगपार पडल्यानंतर 'बागी ३' ची टीम किशनगडला पोहोचली. बर्फाळ वातावरणात मार्बल डंपिंग यार्डमध्ये शूटिंग पार पडले.

टायगर श्रॉफ आणि श्रद्धा कपूरने गाण्याच्या शूटिंगमध्ये भाग घेतला. 'दस बहाने कर के ले गयी दिल' या गाण्याच्या रिमिक्सवर टायगर आणि श्रद्धा थिरकले. यावेळी टायगरचे चाहते मोठ्या संख्येने हजर होते. टायगर आणि श्रद्धा किशनगडला पोहोचलेत ही बातमी वाऱ्यासारखी पसरली आणि मोठ्या संख्येने शूटिंगच्या ठिकाणी चाहते दाखल झाले. चाहत्यांचा जल्लोष पाहून टायगरने त्यांना अभिवादन केले. 'बागी ३' सिनेमाच्या तिसऱ्या टप्प्याचे शूटिंग सुरू आहे.

टायगरला भेटण्यासाठी काहीजण घुसण्याचा प्रयत्न करीत होते. मात्र सुरक्षा रक्षकांनी त्यांना रोखले.

यापूर्वी टायगर आणि श्रद्धाने 'बागी ३'च्या याबाबतचे फोटो शेअर केले आहेत. हा एक अॅक्शनपट असून मार्च २०२० मध्ये रिलीज होईल अशी अपेक्षा आहे. यात रितेश देशमुखही महत्त्वाच्या भूमिकेत आहे.

टायगर आणि ह्रतिक रोशनचा 'वॉर' हा चित्रपट गेल्या वर्षी गाजला होता. श्रद्धा कपूरही आगामी 'स्ट्रिट डान्सर थ्रीडी' चित्रपटाच्या प्रमोशनमध्ये बिझी आहे. यात श्रद्धासोबत वरुण धवन आणि नोरा फत्तेही यांच्या भूमिका आहेत.