मुंबई - 'तेजस' या आगामी चित्रपटातील कंगना रानावतचा फर्स्ट लूर प्रसिद्ध झाला आहे. नुकत्याच रिलीज झालेल्या या फर्स्ट लूकमध्ये कंगना एअर फोर्स पायलटच्या करारी अवतारात दिसत आहे.
रॉनी स्क्रूवालाच्या आरएसव्हीपी या बॅनरखाली हा चित्रपट बनत आहे. गेल्या वर्षी याच बॅनरने 'उरी - द सर्जिकल स्ट्राईक' हा चित्रपट बनवला होता.
एअर फोर्सच्या वर्दीमध्ये कंगना पायलटच्या भूमिकेत सुंदर दिसत आहे. सर्वेश मेवरा आणि रॉनी स्रूवालाच्या नेतृत्वाखाली नव्या प्रवासासाठी सज्ज असल्याचे कंगनाने सांगितले आहे.
पायलटच्या भूमिकेसाठी कंगना योग्य प्रशिक्षण घेणार आहे. व्यावसायिक प्रशिक्षक कंगनासाठी दिग्दर्शक आणि निर्मात्यांनी नेमल्याचेही कंगनाने सांगितले.
जुलै महिन्यात 'तेजस'च्या शूटींगला सुरुवात होईल.