मुंबई - 'सांड की आँख' चित्रपटाचं चित्रीकरण पूर्ण करताच तापसी पन्नूनं आणखी एक चित्रपट साईन केला आहे. 'आर्टिकल १५' चित्रपटाचे दिग्दर्शक अनुभव सिन्हा यांच्या आगामी चित्रपटात तापसीची वर्णी लागली आहे. तापसीनं आपल्या सोशल मीडिया अकाऊंटवरून अनुभव सिन्हांसोबतचा एक फोटो शेअर करत याबद्दलची माहिती दिली आहे.
अनुभव सिन्हाच्या आगामी चित्रपटात तापसीची वर्णी, शेअर केला फोटो - आर्टिकल १५
हा चित्रपट एका अशा विषयावर आधारित आहे, जो माझ्या हृदयाच्या खूप जवळ आहे आणि ज्याची मी गेल्या अनेक वर्षांपासून वाट पाहात होते. अशातही अनुभव सिन्हांसोबत हे काम करणं अधिक औत्सुक्याचं असणार असल्याचं तापसीनं म्हटलं आहे.
अनुभव सिन्हाच्या आगामी चित्रपटात तापसीची वर्णी
हा चित्रपट एका अशा विषयावर आधारित आहे, जो माझ्या हृदयाच्या खूप जवळ आहे आणि ज्याची मी गेल्या अनेक वर्षांपासून वाट पाहात होते. अशातही अनुभव सिन्हांसोबत हे काम करणं अधिक औत्सुक्याचं असणार असल्याचं तिनं म्हटलं आहे. आता तापसीच्या अशा ट्विटनंतर तिच्या आगामी चित्रपटाच्या विषयाबद्दल चाहत्यांची उत्कंठा शिगोला पोहोचणार आहे.
या चित्रपटाचं शीर्षक अद्याप निश्चित झालं नाही. चित्रपटाच्या प्रदर्शनाची तारीखही तापसीनं घोषित केली असून २०२० मध्ये ८ मार्चला हा चित्रपट प्रेक्षकांच्या भेटीला येणार आहे.