मुंबई - अभिनेत्री स्वरा भास्कर हिने घराणेशाहीच्या मुद्द्यावर घेरण्यात आलेल्या करण जोहरच्या समर्थनार्थ पोस्ट लिहिली आहे. सुशांतच्या निधनानंतर करण जोहर बॉलिवूडमध्ये घराणेशाही पोसत असल्याचा आरोप काहीजणांच्याकडून केला जातोय. त्याच्यावर बहिष्कार घालण्याची भाषाही ऐकायला मिळते. अशावेळी करणच्या समर्थनार्थ काही सेलेब्स येत आहेत. अशातच स्वराने आपला पाठिंबा दर्शवला आहे.
करण जोहरवर टीका होत असतानाही त्याने कॉफी विथ करणच्या चॅट शोमध्ये आलेल्या घराणेशाही विरोधी टीका करणाऱ्या कॉमेंट्स हटवलेल्या नाहीत. याला उल्लेख करीत स्वरा भास्करने पोस्टमध्ये लिहिलंय, "एका क्षणी थांबून ही गोष्ट मान्य करुयात की, करण जोहरने या प्रश्नांचा सामना केला आहे आणि पूर्ण प्रामाणिक राहून याची उत्तरे दिली आहेत. हेदेखील मानण्यासारखे आहे की, त्याने नेपोटिझ्मवरील कॉमेंट्स त्याने हटवलेल्या नाहीत. त्याची इच्छा असती तर त्या तो हटवू शकला असता."