मुंबई - कोरोना व्हायरसनंतर आलेल्या काम बंदच्या संकटामुळे प्रवासी मजुर आपल्या घरी परतण्यासाठी हतबल झाले आहेत. गावी परतण्यासाठी सरकारकडे मजुर मदतीची अपेक्षा करीत आहेत. याच काळात अभिनेता सोनू सूद अशा मजुरांच्या मदतीसाठी धावून आलाय. त्याच प्रमाणे मदत करणाऱ्या या लोकांच्या यादीत नवे नाव सामील झाले आहे, ते म्हणेजे अभिनेत्री स्वरा भास्कर हिचे.
स्वरा भास्करने घराबाहेर पडून प्रवासी मजुरांची मदत करायला सुरुवात केली आहे. एका मुलाखतीत ती म्हणाली, 'प्रवाशी मजुर आपल्या घरी परतण्यासाठी तळमळत आहेत आणि मी घरी आरामात बसली आहे, हे सर्व पाहून मला लाज वाटली. या अपराधी भावनेतून मी घराच्या बाहेर पडले आणि प्रवाशी मजुरांची मदत केली.'