मुंबई - अभिनेत्री सुष्मिता सेनने तिचा साथीदार रोहमन शावल याला वाढदिवसाच्या शुभेच्छा दिल्या आहेत. इन्स्टाग्रामवर त्याच्यासोबतचे दोन जवळकीचे फोटो शेअर करुन त्याला शुभेच्छा दिल्या. सुश्मिता आणि रोहमन २०१८ पासून डेटिंग करीत आहेत.
रोहमन शावल याला वाढदिवसाच्या शुभेच्छा देताना सोमवारी सकाळी सुष्मिताने इंस्टाग्रामवर प्रेमळ पोस्ट शेअर केली आहे.
सुष्मिताने तिच्या आयुष्यातील खास गोष्टी कधीही लपवून ठेवलेल्या नाहीत. माजी ब्युटी क्वीन असलेल्या या सौंदर्यवती अभिनेत्रीने सोशल मीडियावर प्रियकरासोबत घालवलेल्या नाजुक क्षणांचे फोटो शेअर केले आहेत. एकमेकांचे वाढदिवस, सुट्ट्या आणि दररोजच्या जीवनातील सुंदर क्षण यांचे फोटो ती नेहमी चाहत्यांसाठी शेअर करीत असते.