मुंबई- 'गदर' या गाजलेल्या सिनेमातील डायलॉग अद्यापही प्रेक्षकांच्या स्मरणातून गेलेले नाहीत. सनी देओलचा तो रांगडा अवतार आणि त्याच्या तोंडी असलेले ते बुलंद संवाद आठवले तर अजूनही प्रेक्षकांच्या अंगार शहारे येतात. हाच अनुभव पुन्हा एकदा रुपेरी पडद्यावर पाहायला मिळणार आहे. सनी देओलने 'गदर -2' चित्रपटाची घोषणा केली आहे आणि चित्रपटाचे पोस्टर 15 ऑक्टोबर रोजी दसऱ्याच्या मुहूर्तावर रिलीज होणार आहे.
तारा सिंह अर्थात 'गदर' चित्रपटाच्या सनी देओलने त्याच्या ट्विटर अकाऊंटवर ही माहिती शेअर केली आहे. सनी देओलने चाहत्यांना ही आनंदाची बातमी देणारा फोटोही शेअर केला आहे. या फोटोमध्ये 'द कथा कंटिन्यूज' असे 2 या आकड्यासह लिहिलेले आहे, परंतु चित्रपटाच्या नावाबद्दल कोणतीही माहिती देण्यात आलेली नाही. सनीने ट्विटमध्ये लिहिले आहे की, 'उद्या सकाळी 11 वाजता खूप खास आणि माझ्या हृदयाच्या जवळच्या गोष्टीची घोषणा करणार आहे. उद्या ही जागा बघा '.