मुंबई- शाहरुख खानची लाडकी मुलगी सुहाना पुन्हा एकदा चर्चेत आली आहे. अलीकडेच सुहाना 2022 च्या आयपीएल लिलावात भाऊ आर्यन खानसोबत दिसली होती. काल रात्री सुहाना खान अमिताभ बच्चन यांचा नातू अगस्त्य नंदासोबत मुंबईत स्पॉट झाली. सोशल मीडियावर दोघांची चर्चा सुरू आहे. यादरम्यान चित्रपट निर्माता फरहान अख्तरची बहीण झोया अख्तरही एकत्र दिसली होती. तेव्हापासून सुहाना आणि अगस्त्य लवकरच बॉलिवूडमध्ये पदार्पण करू शकतात, अशी अटकळ सुरू झाली आहे.
सोशल मीडियावर समोर आलेल्या व्हिडिओमध्ये सुहाना खान आणि अगस्त्य एकाच कारमध्ये बसलेले दिसत होते. अगस्त्य आणि सुहाना खानबद्दल बोलले जात आहे की, ही जोडी झोया अख्तरच्या चित्रपटात दिसणार आहे. एका यूजरने कमेंट केली, 'आर्चिस कमिंग ब्रो'. आणखी एका युजरने लिहिले, 'आता ती चित्रपटात दिसण्यासाठी पूर्णपणे तयार आहे, आता प्रतीक्षा करू शकत नाही.'