मुंबई - बॉलिवूडचा सुपरस्टार शाहरुख खानची मुलगी सुहाना खान अभिनेत्री होण्याची स्वप्नं पाहात असते. ती अजूनही न्यूयॉर्क विद्यापीठातून चित्रपट अभ्यास अभ्यासक्रम शिकत आहे. असे असले तरी ती बॉलिवूड पदार्पण करणार असल्याच्या बातम्या वेबलॉईडमधून झळकल्या आहेत. मिळालेल्या माहितीनुसार शाहरुखची मुलगी लवकरच झोया अख्तर दिग्दर्शित चित्रपटाद्वारे लॉन्च होणार आहे. दिग्दर्शिका झोया अख्तर लवकरच सुहानाला आंतरराष्ट्रीय कॉमिक बुक, 'आर्ची'च्या भारतीय रुपांतरणात लॉन्च करेल.
झोया अख्तर आर्ची या आंतरराष्ट्रीय कॉमिक बुकची भारतीय आवृत्ती ओटीटीसाठी बनवणार आहे. नेटफ्लिक्सवर याचे प्रसारण होईल. यात सुहाना मुख्य भूमिका साकारताना दिसेल. हा एक किशोरवयीन रोमँटिक ड्रामा असेल. सुहानाची निवड पक्की समजली जात असून इतर कलाकारांची निवड अद्याप सुरू आहे.