मुंबई - सुपरस्टार शाहरुख खानने मंगळवारी त्याच्या OTT प्लॅटफॉर्मच्या लाँचची बातमी दिल्यानंतर फिल्म इंडस्ट्रीतील त्याचे मित्र आणि सहकारी यांनी त्याच्यावर अभिनंदनाचा वर्षाव केला आहे. शाहरुखने ट्विटरवर एक घोषणा पोस्टर शेअर केले, ज्यावर "SRK+, लवकरच येत आहे" असे लिहिले आहे.
शाहरुख आणि त्याचा प्रॉडक्शन बॅनर रेड चिलीज एंटरटेनमेंटने SRK+ हे त्याचे नवीन OTT अॅप आहे की नाही याला अद्याप दुजोरा दिलेला नाही. 2018 मध्ये त्याच्या शेवटच्या झिरो रिलीज झाल्यापासून मोठ्या पडद्यापासून दूर असलेल्या शाहरुखने, "कुछ कुछ होने वाला है, ओटीटी की दुनिया में (ओटीटीच्या जगात काहीतरी घडणार आहे") असे कॅप्शन दिले आहे.
सलमानने शाहरुखचे ट्विट शेअर करत अभिनेत्याचे अभिनंदन केले. "आज की पार्टी तेरी तरफ से, शाहरुख. तुझ्या नवीन OTT अॅप, SRK+ साठी अभिनंदन," असे सलमानने म्हटले आहे.
चित्रपट निर्माते अनुराग कश्यप यांनी ट्विट केले की तो नवीन OTT अॅपवर सुपरस्टारसोबत सहभागी होत आहे. "स्वप्न पूर्ण झाले! शाहरुखसोबत त्याच्या नवीन OTT अॅप, SRK+ वर सहयोग करत आहे," असे अनुराग कश्यपने कॅप्शन दिले आहे.
शाहरुखचा सहकारी आणि मित्र करण जोहरनेही नवीन अॅपबद्दल त्याचे अभिनंदन केले. "वर्षातील सर्वात मोठी बातमी! शाहरुख OTT चा चेहरा बदलणार आहे. खूप उत्साही!!!" असे करणने लिहिले आहे.
शाहरुखने बार्ड ऑफ ब्लड आणि बेताल या दोन वेब सिरीजच्या माध्यामातून शाहरुखने Netflix वर स्ट्रीमिंगचा निर्माता म्हणून डिजिटल स्ट्रीमिंग क्षेत्रात प्रवेश केला होता. या प्रकल्पांना त्याच्या प्रॉडक्शन हाऊसचा पाठिंबा होता. 25 जानेवारी 2023 च्या पठाण या आगामी चित्रपटाच्या रिलीजच्या तयारीत शाहरुख बिझी आहे. यशराज फिल्म्सची निर्मिती असलेला हा चित्रपट सिद्धार्थ आनंद दिग्दर्शित आहे.
हेही वाचा -यो यो हनी सिंगचे करिअर उद्ध्वस्त करणारे ५ मोठे वाद
