मुंबई- सुपरस्टार शाहरुख खानने रविवारी रात्री भगवान गणेशला निरोप दिला आणि पुढील वर्षी पुन्हा भेटण्याची प्रार्थना केली. खानने आपल्या इन्स्टाग्राम हँडलवर घरी पूजा केलेल्या श्री गणेशाच्या मूर्तीचा फोटो शेअर केला. शाहरुखने लिहिले की, "पुढच्या वर्षी पुन्हा भेटू तोपर्यंत गणपतीचे आशीर्वाद आपल्या सर्वांसोबत राहो ... गणपती बाप्पा मोरया !!! " फोटो शेअर केल्याच्या काही तासातच दहा लाखाहून अधिक चाहत्यांकडून प्रतिक्रिया मिळाल्या.
ट्रोलर्सच्या निशाण्यावर शाहरुख
शाहरुख जरी भक्तीभावाने गणेश पूजन करीत असला तरी हे काही जणांना आवडत नाही. याबद्दल अनेकजण त्याच्यावर टीका दरवर्षी करीत असतात. याही खेपेला ही ट्रोलर्सची गँग त्याच्यावर निशाणा साधून आहे. तर काहीजणांनी त्याच्यावर होणाऱ्या या टीकेला उत्तर देण्याचा प्रयत्न केलाय. अनेकांनी शाहरुखचे मनोबल वाढावे यासाठी प्रतिक्रिया दिल्या आहे. खालील काही प्रतिक्रियांवर आपण नजर फिरवली तरी आपल्या हे ध्यानात येईल.
दरवर्षी श्रीगणेशाचे स्वागत करतो शाहरुख