मुंबई - हिंदीमधील ख्यातनाम कवी आणि अभिनेता अमिताभ बच्चन यांचे वडिल हरिवंशराय बच्चन यांचे नाव पोलंडमधील एका चौकाला देण्यात आले आहे. पोलंडच्या व्रोकलाच्या सिटी कौन्सिलने दिवंगत कवींना श्रद्धांजली वाहण्यासाठी, हरिवंशराय बच्चन यांच्या नावाने चौकाचे नामकरण केले आहे. अमिताभ यांनी आपल्या इन्स्टाग्रामवरुन ही माहिती दिली.
"पोलंडच्या सिटी कॉन्सिल ऑफ व्रोकला, यांनी माझ्या वडिलांच्या नावाने एका चौकाचे नामकरण करण्याचा निर्णय घेतला आहे .. दसऱ्याला या पेक्षा मोठा आशिर्वाद दुसरा मिळाला नसता. व्रोकला येथील भारतीय समुदायासाठी हा क्षण अभिमानाचा ठरला आहे. जय हिंद.'' असे अमिताभ यांनी लिहिले आहे.