मुंबई -खिलाडी अक्षय कुमारच्या 'सूर्यवंशी' चित्रपटाची दिवसेंदिवस उत्सुकता वाढत चालली आहे. मागच्या वर्षीपासून हा चित्रपट चर्चेत आहे. शिवाय एकापाठोपाठ एक हिट चित्रपट देणाऱ्या अक्षय कुमारची यामध्ये भूमिका पाहायला मिळणार असल्यामुळे चाहत्यांना या चित्रपटाची आतुरता आहे. २ मार्चला या चित्रपटाचा ट्रेलर प्रदर्शित होणार आहे. हा ट्रेलर तब्बल ४ मिनिटांचा असल्याचे सांगण्यात आले आहे.
चित्रपट समीक्षक तरण आदर्श यांनी याबाबत माहिती दिली आहे. मुंबईमध्ये २ मार्चला ट्रेलर लॉन्च इव्हेंट पार पडणार आहे. यावेळी 'सिंघम' अजय देवगण, 'सिंबा' रणवीर सिंग आणि 'सूर्यवंशी' अक्षय कुमार या तिघांचीही उपस्थिती राहणार आहे. या चित्रपटाचा ट्रेलर यूट्यूबवरील सर्व विक्रम मोडेल, अशाही प्रतिक्रिया सोशल मीडियावर पाहायला मिळत आहेत. तसेच, बॉक्स ऑफिवरही या चित्रपटाच्या निमित्ताने त्सुनामी येईल, असे तरण आदर्श यांनी म्हटले आहे.
हेही वाचा -'सिंघम', 'सिंबा', 'सूर्यवंशी'ची खास झलक, प्रदर्शनाची तारीख जाहीर