सोशल मीडिया स्टार फैजल शेखला ओशिवरा पोलिसांकडून अटक

भरधाव कार चालवून अपघात केल्याप्रकरणी सोशल मीडिया स्टार फैजल शेखला मुंबईतील ओशिवरा पोलिसांनी अटक केली आहे.

मुंबई -सोशल मीडिया स्टार फैजल शेखला मुंबईतील ओशिवरा पोलिसांनी अटक केली आहे. भरधाव कार चालवून अपघात केल्याप्रकरणी त्याला ही अटक केली आहे. फैजूचे तब्बल अडीच कोटीच्या जवळपास फॉलोअर्स आहेत.

फैजू मंगळवारी सहकाऱ्यांसह ओशिवरा येथील मिलत नगर विभागात त्याच्या बीएमडब्लू कारने आला होता. मात्र गाडीचा वेग भरधाव असल्याने त्याचे गाडीवरील नियंत्रण सुटले आणि गाडीने अल तबुत या सोसायटीच्या गेटला धडक दिली. सुदैवाने या अपघातात कोणीही जखमी झाले नाही.