मुंबई- बॉलिवूड अभिनेता सिद्धार्थ मल्होत्राने आपल्या आगामी ‘मिशन मजनू’ या चित्रपटाचा पहिला लूक शेअर केला आहे. शंतनु बागची याच्या दिग्दर्शकिय पदार्पणाच्या या चित्रपटातून दाक्षिणात्य अभिनेत्री रश्मिका मंदान्नाचे बॉलिवूडमध्ये पदार्पण होणार आहे.
खऱ्या घटनांवर आधारित हा हेरगिरी थ्रीलर चित्रपट आहे. कन्नडमधील 'अंजनी पुत्र' आणि तेलुगु चित्रपट 'गीता गोविंदम' यामुळे प्रसिध्दीच्या झोतात आलेली अभिनेत्री रश्मिका मंदान्नाचे 'मिशन मजनू'मधून बॉलिवूडमध्ये पदार्पण होणार आहे.
सिद्धार्थ मल्होत्रा मुख्य भूमिकेत असणारा हा चित्रपट १९७० च्या दशकात घडलेल्या खऱ्या घटनांनी प्रेरित झाला आहे. पाकिस्तानच्या मध्यभागी पार पडलेल्या भारताच्या सर्वात धाडसी मिशनची ही कहाणी आहे, ज्यामुळे दोन्ही देशांमधील संबंध कायमचे बदलले.