सिद्धांत चतुर्वेदीने सोशल मीडियावरुन केले कारकिर्दीचे सिंहावलोकन

अभिनेता सिद्धांत चतुर्वेदीने (Actor Siddhant Chaturvedi)मोजक्या चित्रपटात काम केले असले तरी 'बंटी और बबली 2' (Bunty Aur Babli 2) मधून तो बॉलिवूड मसाला चित्रपटातून झळकणार आहे. त्याच्या हातात तगड्या चित्रपटांची यादी आहे. आगामी काळात प्रसिध्दीच्या शिखराकडे वाटचाल करण्याची त्याला चांगली संधी आहे.

मुंबई - अभिनेता सिद्धांत चतुर्वेदी (Actor Siddhant Chaturvedi) हा स्वप्नवत जगात वावरताना दिसत आहे. झोया अख्तरच्या 'गली बॉय' मध्ये एमसी शेरच्या (MC Sher in Glley Boy) भूमिकेत प्रेक्षकांना तो खूप आवडला होता. त्याचे आगामी काही महिने अत्यंत व्यग्र वेळापत्रक असणारे आणि प्रसिध्दी मिळवून देणारे असणार आहेत.

लोकप्रियतेच्या कळासाकडे वाटचाल करताना सिध्दांतने सोशल मीडियावर स्वतःचे सिंहावलोकन केले आहे.

त्याच्या प्रवासाबद्दल बोलताना, सिद्धांत चतुर्वेदीने त्याच्या सोशल मीडिया हँडलवर एक नोट शेअर केली आहे. त्यात त्याने लिहिलंय, “इनसाइड एज में बॉलिंग सिखी… गली बॉय में रॅप किया… बंटी और बबली में क्या? किसको ठगा भैया?! - किस्मत को ठगा है, और क्या. सबको लगा लड़का नौकरी पायेगा, सेटल हो जायेगा, कुंडली में व्यापार भी था… मगर लड़का तो अंदर से कलाकार ही था…”

उत्तर प्रदेशातील बलिया या छोट्याशा गावातून आलेल्या या सिध्दांतने त्याच्या प्रतिभेच्या मदतीने लांबचा पल्ला गाठला आहे. 'बंटी और बबली 2' (Bunty Aur Babli 2) या त्याच्या अलीकडे रिलीज झालेल्या चित्रपटामुळे त्याला तद्दन बॉलिवूड मसाला चित्रपटात काम करण्याची संधी मिळाली आहे आणि ट्रेलरमधील त्याचे स्वरूप पाहता, अभिनेत्याने चांगले काम केले आहे असे दिसते.

'फोन भूत', शकुन बत्राचा अद्याप शीर्षक न ठरलेला, 'युद्ध्रा' आणि 'खो गये हम कहाँ' या सारख्या चित्रपटांसह सिद्धांतची आगामी चित्रपटाची यादी एकदम तगडी आहे.

हेही वाचा - Kangana Ranaut Facebook Post : वाचा खलिस्तानी दहशतवाद्यांबद्दल काय म्हणते कंगना ?