मुंबई- प्रभास आणि श्रद्धा कपूर यांच्या मुख्य भूमिका असलेला साहो सिनेमा ३० ऑगस्टला प्रदर्शित झाला. प्रभासचे चाहते या सिनेमाची आतुरतेने वाट पाहात होते. अशात आता प्रदर्शनानंतर या सिनेमाला प्रेक्षकांचा उत्तम प्रतिसाद मिळताना दिसत आहे.
हेही वाचा - स्वप्नील बांदोडकरच्या घरी बाप्पासाठी पर्यावरणपूरक देखावा
या सिनेमाच्या हिंदी व्हर्जनने पहिल्याच दिवशी २४ कोटींचा गल्ला जमावला होता. तर ३ दिवसात म्हणजेच विकेंडपर्यंत सिनेमाच्या हिंदी व्हर्जनने ७९.०८ कोटींचा गल्ला गाठला आहे. चित्रपट व्यापार विश्लेषक तरण आदर्श यांनी ट्विट शेअर करत याबद्दलची माहिती दिली आहे.
साहो सिनेमा हिंदीसह तेलुगू आणि तामिळ या दाक्षिणात्य भाषांमध्येही प्रदर्शित झाला आहे. मात्र, साहो प्रभासच्याच बाहुबली २ सिनेमाचा विक्रम तोडण्यात अपयशी ठरला आहे. बाहुबली २ सिनेमाच्या हिंदी व्हर्जनने फर्स्ट विकेंडमध्ये १२८ कोटींचा गल्ला जमावला होता. आता प्रभासचा साहो आणखी किती कमाई करणार, हे पाहणं औत्सुक्याचं ठरणार आहे.
हेही वाचा - राजकारणात प्रवेश केल्यास प्रश्न विचारायचे स्वातंत्र्य गमावून बसेन - नाना पाटेकर
