मुंबई- करीना कपूर खान आणि सैफ अली खान हे बॉलिवूडमधील हॉट कपल्सपैकी एक आहे. जेव्हा हे जोडपे घराबाहेर पडते तेव्हा पापाराझी त्यांच्या मागे लागतात. याशिवाय हे जोडपे त्यांच्या दोन मुलांसह तैमूर अली खान आणि जहांगीर अली खानमुळेही चर्चेत असते. करिनासोबतच तिच्या सासरचे लोकही तिच्या मुलांची पूर्ण काळजी घेतात. आता करीना कपूर खानची नणंद सबा पतौडी हिने पुतण्या जेहचा एक सुंदर फोटो शेअर केला आहे.
सबा पतौडी ही अभिनेत्री शर्मिला टागोर यांची मोठी मुलगी आणि सैफ अली खानची बहीण आहे. सबा सोशल मीडियावर तिच्या घरातील सर्वात सक्रिय सदस्य आहे. कौटुंबिक क्षण ती कॅमेऱ्यात कैद करते आणि सोशल मीडियावर शेअर करते.
आता सबाने सोमवारी धाकट्या पुतण्या जेहचा एक फोटो शेअर केला आहे, ज्यामध्ये तो त्याची आजी शर्मिला टागोरसोबत खेळताना दिसत आहे. हा फोटो तिच्या इंस्टाग्राम अकाऊंटवर शेअर करत सबाने कॅप्शनमध्ये लिहिले की, 'बडी अम्मा और जे बाबा... फ्रेंडली... आजी-आजोबा खास पालक असतात'.