रोझ डे २०२१: कार्तिक आर्यनने चिमुरडीकडून स्वीकारला गुलाब

बॉलिवूड अभिनेता कार्तिक आर्यनने इन्स्टाग्रामवर शेअर केलेल्या रोझ डेच्या व्हिडिओला २० लाख व्ह्यूव्ज मिळाले आहेत. एका चिमुरडीकडून त्याने गुलाब स्वीकारल्याचे व्हिडिओत दिसते.

मुंबई - बॉलिवूड अभिनेता कार्तिक आर्यनने रोझ डे सेलिब्रेशनच्या निमित्ताने एक गोड संदेश देत आपल्या खास चाहत्याकडून गुलाब स्वीकारत असलेला व्हिडिओ शेअर केला आहे.

रविवारी रात्री कार्तिकने एक थ्रोबॅक व्हिडिओ शेअर केला आहे. यामुध्ये तो एका चिमुरडीकडून गुलाब स्वीकारताना दिसत आहे. या व्हिडिओच्या कॅप्शनमध्ये त्याने लिहिलंय, ''ऐसे रोझ डे रोज रोज आये''. दोन मिनीटाच्या या व्हिडिओला इन्स्टाग्रामवर २० लाख व्ह्यूव्ज मिळाले आहेत.

कामाच्या पातळीवर कार्तिक आर्यन आगामी 'भूला भुलैया 2' या विनोदी चित्रपटात दिसणार आहे. यामध्ये कियारा अडवाणीसोबत तो काम करणार आहे. याखेरीज तो 'धमका' या थ्रिलर चित्रपटात पत्रकाराची भूमिका करणार आहे. राम माधवानी दिग्दर्शित या चित्रपटाची कथा मुंबईवरील दहशतवादी हल्ल्याच्या पार्श्वभूमीवर काम करणाऱ्या पत्रकाराची आहे.

हेही वाचा - वाढदिवसाच्या शुभेच्छा देणाऱ्या करणची यश आणि रुहीने घेतली मजा; पाहा व्हिडिओ