रुही ट्रेलर : झपाटलेल्या लग्नाळू मुलीची हॉरर कॉमेडी

राजकुमार राव आणि जान्हवी कपूर यांच्या मुख्य भूमिका असलेल्या हॉरर कॉमेडी रुहीमध्ये जान्हवी कपूरने लग्नासाठी तळमळत असलेल्या परंतु आत्म्याने झपाटलेल्या मुलीची भूमिका साकारली आहे. हा चित्रपट ११ मार्चपासून देशभरातील सिनेमा हॉलमध्ये रिलीज होणार आहे.

मुंबई- जान्हवी कपूर आणि राजकुमार राव यांच्या मुख्य भूमिका असलेला 'रुही' चित्रपटाने मॅडॉक फिल्म्सचा हॉरर-कॉमेडीचा वारसा एका पाऊल पुढे टाकत जपल्याचे दिसत आहे. दिग्दर्शक दिग्दर्शक हार्दिक मेहता यांनी विषयावर पकड ठेवत भय आणि कॉमेडी यांची उत्तम केमेस्ट्री जमवली आहे.

'रुही' चित्रपटाच्या ट्रेलरमध्ये जान्हवी कपूरने लग्नासाठी तळमळत असलेल्या परंतु आत्म्याने झपाटलेल्या मुलीची भूमिका साकारली आहे. हा चित्रपट माहिती व प्रसारण मंत्रालयाने दिलेल्या सीओव्हीडी -१९ सेफ्टी प्रोटोकॉल नियमांचे पालन करून ११ मार्चपासून देशभरातील सिनेमा हॉलमध्ये रिलीज होणार आहे.

जियो स्टुडिओ आणि मॅडॉक फिल्म्स प्रस्तुत, 'रूही' चित्रपटामध्ये जान्हवी कपूर, राजकुमार राव आणि वरुण शर्मा यांच्या प्रमुख भूमिका आहेत.

हेही वाचा - 'द मॅरेड वूमन' बनवण्यासाठी एकता कपूरने केली ओटीटीची प्रतीक्षा