हाँ ये वादा रहा! करणचे ते शब्द ऐकून जेव्हा मलायकाने ठेवले कानावर हात

कलंकचं टायटल ट्रॅक एक दिवस उशीरा प्रदर्शित होणार आहे. तोपर्यंत मी तुमच्या भेटीला घेऊन आलोय करण जोहरचं खास गाणं, असं कॅप्शन देत रितेशने एक व्हिडिओ शेअर केला आहे

मुंबई- करण जोहरची निर्मिती असलेला 'कलंक' चित्रपट लवकरच प्रेक्षकांच्या भेटीला येणार आहे. काही दिवसांपासून चित्रपटातील गाणी आणि नवे पोस्टर प्रेक्षकांच्या भेटीला येत आहेत. अशात शुक्रवारी या चित्रपटाचं टायटल ट्रॅक प्रदर्शित होणार होतं. मात्र, काही कारणांमुळे ते एक दिवस पुढे ढकलण्यात आलं.

करणने याबद्दलची माहिती देणार ट्विट शेअर करत प्रेक्षकांची माफी मागितली. करणचं हेच ट्विट रिट्विट करत रितेशने त्याची चांगलीच मजा घेतली आहे. कलंकचं टायटल ट्रॅक एक दिवस उशीरा प्रदर्शित होणार आहे. तोपर्यंत मी तुमच्या भेटीला घेऊन आलोय करण जोहरचं खास गाणं, असं कॅप्शन देत रितेशने एक व्हिडिओ शेअर केला आहे.

या व्हिडिओमध्ये करण हा ये वादा रहा, हे गाणं गात आहे. तर त्याचा आवाज ऐकून मलायकाने चक्क कानावर हात ठेवले आहेत. हा जुना व्हिडिओ रितेशने आपल्या ट्विटवर अकाऊंटवरून शेअर केला आहे. जो सध्या सोशल मीडियावर चांगलाच व्हायरल होत आहे.