मुंबई - झुंड चित्रपटाबद्दल तमाम रसिकांना मोठी उत्सुकता लागून राहिली आहे. काही दिवसापूर्वी याचा टिझर आणि एक गाणे चाहत्यांना भुरळ पाडून गेले. आता या चित्रपटातील लफडा झाला हे नवीन गाणे रिलीज करण्यात आले आहे.
'लफडा झाला' हे उडत्या चालीचे, ठेका आणि ताल धरायला लावणारे पार्टी साँग आहे. यावर पडद्यावर तरुणाई थिरकताना दिसते. 'सैराट' सिनेमातही 'झिंगाट'वर तरुणांनी असाच ताल धरला होता, याची आठवण हे गाणे करुन देते. अजय अतुल यांनी 'झिंगाट' प्रमाणेच या गाण्यावरही थिरकायला भाग पाडले आहे. अर्थातच हे गाणे अजय गोगावले यांनी गायले असून अमिताभ भट्टाचार्य यांनी हे गीत लिहिले आहे.