रणदीप हुडा ५ वर्षानंतर झळकणार इम्तियाज अलीच्या आगामी चित्रपटात

अभिनेता रणदीप हुडाने इम्तियज अलीच्या आगामी चित्रपटाचे शूटींग पूर्ण केले आहे. या चित्रपटाचे शीर्षक अद्याप ठरलेले नाही. ५ वर्षानंतर दोघे पुन्हा एकत्र काम करीत आहेत.

मुंबई - दिग्दर्शक इम्तियाज अली यांच्या आगामी चित्रपटात अभिनेता रणदीप हुडा काम करतोय. या चित्रपटाचे शूटींग पूर्ण झाले असून रणदीपने इम्तियाजसाठी एक संदेश दिला आहे.

''इम्तियाज अली यांच्या आगामी चित्रपटाचे शूटींग पूर्ण झाले. हायवे चित्रपटानंतर ५ वर्षांनी त्यांच्यासोबत काम करीत असताना नेहमी सारखाच अप्रतिम अनुभव होता. कामाचा आनंद अमर्याद होता. एक कलाकार आणि व्यक्ती म्हणून नव्याने स्वतःला शोधता आले. त्यांच्या टीमला भावी कार्यासाठी शुभेच्छ देतो.'', असे रणदीप हुडाने फोटोच्या कॅप्शनमध्ये लिहिले आहे.

रणदीपने शेअर केलेल्या फोटोत रणदीपने इम्तियाज अली यांच्या खांद्यावर हात ठेवला आहे. दोघांच्याही चेहऱ्यावरील हास्य त्यांच्यातील मैत्रीचे दर्शन घडवते.

इम्तियाज अली यांच्या ज्या चित्रपटाचे शूटींग पूर्ण झाले त्याचे शीर्षक अद्याप ठरलेले नाही. यात रणदीपसोबत सारा अली खान आणि कार्तिक आर्यन मुख्य भूमिकेत आहेत.