मुंबई - अभिनेता रणदीप हुड्डा याला इन्स्पेक्टर अविनाश या आगामी मालिकेच्या सेटवर पायावर दुखापत झाली होती. बुधवारी शहरातील रुग्णालयात शस्त्रक्रिया त्याच्या गुडघ्यावर करण्यात आली. अभिनेत्याच्या जवळच्या एका सूत्राने सांगितले की, गेल्या महिन्यात या मालिकेतील फाईट दृश्याचे चित्रीकरण करताना हुडाला दुखापत झाली होती.
रणदीप हुड्डाला 1 मार्च रोजी कोकिलाबेन धीरूभाई अंबानी रुग्णालयात दाखल करण्यात आले होते आणि डॉ दिनशॉ परडीवाला यांनी त्याच्यावर शस्त्रक्रिया केली होती. "काल संध्याकाळी त्याच्यावर शस्त्रक्रिया करण्यात आली. त्याला दोन दिवसांत डिस्चार्ज देण्यात येईल. चित्रीकरणादरम्यान त्याच्या गुडघ्याला दुखापत झाली होती आणि त्यावर शस्त्रक्रिया करावी लागली," असे सूत्राने सांगितले.
डिसेंबर 2019 मध्ये रणदीपला राधे चित्रपटाच्या सेटवर दुखापत झाली होती. त्यावेळी त्याच्या जखमी पायावर ऑपरेशन करावे लागले होते. त्यावेळी त्याच्या पायात प्लेट टाकण्यात आल्या होत्या. मात्र, त्याच्या पायावरून प्लेट्स काढाव्या लागल्या. पण त्यालाही उशीर झाला. ज्यासाठी त्याला अडचणींचा सामना करावा लागत आहे. सलमान खान स्टारर चित्रपटाच्या अॅक्शन सीनचे शूटिंग सुरू असताना ही घटना घडली होती.
वास्तविक जीवनातील घटनांवर आधारित 'इन्स्पेक्टर अविनाश' या वेबसिरीजमध्ये उत्तर प्रदेश राज्यातील गुन्हेगारी कारवाया करणार्‍या पोलीस कर्मचार्‍यांच्या जीवनाचे नाट्यमय वर्णन आहे. यात रणदीप महत्त्वाची भूमिका साकारत असताना एका फाईट दृष्यात तो जखमी झाल्याचे सूत्रांनी सांगितले. रणदीप हुड्डा नेटफ्लिक्स रिव्हेंज ड्रामा सीरिज 'कॅट'मध्येही दिसणार आहे.
हेही वाचा -शिल्पा शेट्टीने सुरू केले 'सुखी'चे शूटिंग, शमिता म्हणाली 'ऑल द बेस्ट मुंकी'
