मुंबई - बहुप्रतीक्षित 'छलांग' चित्रपटाचा ट्रेलर आज रिलीज करण्यात आला. राजकुमार राव आणि नुसरत भरुचा यांची ऑनस्क्रीन केमेस्ट्री कमाल असल्याचे दिसत आहे. ट्रेड अॅनालिस्ट तरण आदर्श यांनी या ट्रेलरची लिंक ट्विट केली आहे.
अजय देवगण यांची निर्मिती असलेल्या 'छलांग' चित्रपटाची कथा मिश्किल आणि नर्म विनोदी आहे. राजकुमार राव यात पीटी शिक्षकाच्या भूमिकेत दिसत आहे. विद्यार्थ्यांना वेगवेगळे खेळ तो शिकवत असतो. अजूनही त्याच्या आयुष्यात आवडणारी मुलगी आलेली नाही. अशात अभिनेत्री नुसरत भरुचा कॉम्प्युटर शिक्षिका म्हणून दाखल होते आणि सगळा माहोल बदलून जातो.