चेन्नई - दाक्षिणात्य सुपरस्टार रजनीकांत यांचा मागच्या वर्षी 'दरबार' चित्रपट प्रदर्शित झाला होता. या चित्रपटाने बॉक्स ऑफिसवर दमदार व्यवसाय केला आहे. यानंतर ते कोणत्या चित्रपटात झळकणार याची चाहत्यांना उत्सुकता होती. त्यांच्या आगामी चित्रपटाची काही दिवसांपूर्वीच घोषणा करण्यात आली होती. अखेर त्यांच्या आगामी चित्रपटाचे शिर्षकही ठरले आहे.
'अन्नाअथे', असे त्यांच्या आगामी चित्रपटाचे नाव आहे. सन पिक्चर्स प्रोडक्शन अंतर्गत या चित्रपटाची निर्मिती करण्यात आली आहे. तर, डी. इमान हे या चित्रपटाला संगीत देणार आहेत. ते रजनीकांत यांच्या चित्रपटासाठी पहिल्यांदाच काम करणार आहेत. हा चित्रपट दिवाळीच्या मुहूर्तावर प्रदर्शित करण्यात येणार असल्याचाही निर्णय घेण्यात आला आहे.
हेही वाचा -सिद्धार्थ मल्होत्रा साकारणार डबल रोल, 'अशी' असणार भूमिका