'शिद्दत'मध्ये जलतरणपटूच्या भूमिकेसाठी पोहायला शिकली राधिका मदन

राधिका मदनला आपण अंग्रेजी मीडियम चित्रपटात पाहिले होते. त्यापूर्वी पटाखामध्येही ती उत्तम अभिनय करताना दिसली होती. आगामी चित्रपटात ती जलतरणपटूची भूमिका साकारणार आहे. यासाठीची तयारी तिने सुरू केली आहे.

मुंबई- अभिनेत्री राधिका मदन तिच्या वेगवेगळ्या भूमिकांमुळे नेहमी प्रभावित करीत असते. एक चतुरस्त्र अभिनेत्री म्हणून तिला आपली छाप सोडायची आहे. यावर्षीच्या सुरूवातीला तिने 'अंग्रेजी मीडियम' हा चित्रपट गाजवला होता. त्याअगोदर २०१८ मध्ये तिने 'पटाखा' चित्रपटातील अभिनयाने प्रेक्षकांची मने जिंकली होती.

राधिकाने तिच्या आगामी प्रोजेक्ट्स आणि भविष्यात ती साकारत असलेल्या भूमिकांविषयीचा खुलासा केलाय.

"यापूर्वी मी न केलेल्या भूमिका मला करायच्या आहेत. मला पुन्हा-पुन्हा तेच पात्र साकारणे आवडत नाही. एखाद्या कलाकाराने वेगवेगळ्या भूमिका साकारणे खूप आव्हानात्मक आहे," असे ती म्हणाली.

हेही वाचा - ज्येष्ठ बंगाली अभिनेते सौमित्र चटर्जी यांचे निधन

राधिका तिच्या आगामी 'शिद्दत' या चित्रपटाबद्दल खूप उत्सुकता आहे.

"माझ्या आगामी 'शिद्दत' चित्रपटात मी जलतरणपटूची भूमिका साकारणार आहे. खरं सांगायचं तर, प्रोजेक्टवर सही करण्यापूर्वी मला पोहायला येत नव्हतं. मी आता पोहोयला शिकले. जलतरण शिकण्यासाठी मला चार ते पाच महिने लागले. मला वेगळ्या भूमिका करायच्या आहेत. प्रेक्षकांनी मला एका चौकटीत बंदिस्त करावे असे वाटत नाही, " असे तिने सांगितले.

हेही वाचा - पारंपरिक ऑफ व्हाईट ड्रेसमध्ये अनुष्काने दाखवला 'प्रेग्नेंसी ग्लो'

'शिद्दत' या चित्रपटात मोहित रैना, डायना पेंटी आणि सनी कौशल यांच्या मुख्य भूमिका आहेत. कुणाल देशमुख या चित्रपटाचे दिग्दर्शन करीत आहेत.