हैदराबाद (तेलंगणा): बाहुबली फेम प्रभास आणि पूजा हेगडे यांची भूमिका असलेला राधे श्याम चित्रपट आज मोठ्या पडद्यावर दाखल झाला. चित्रपट पाहिल्यानंत प्रतिक्रिया आणि रिव्ह्यूंचा वर्षाव सुरू झाला आहे आणि सुरुवातीच्या ट्रेंडपासून असे दिसत आहे की चित्रपट प्रेक्षकांशी जोडण्यात यशस्वी झाला आहे.
राधा कृष्ण कुमार लिखित आणि दिग्दर्शित राधे श्याम एक पीरियड रोमँटिक ड्रामा चित्रपट आहे. यातील नायक विक्रमादित्य एक भव्य हस्तरेखाकार आहे जो नियती आणि प्रेरणावरील प्रेम यांच्यासाठी संघर्ष करतो. अभिनेत्री पूजा हेगडेने यात प्रेरणा ही व्यक्तीरेखा साकारली आहे.
राधे श्यामच्या प्रमोशन दरम्यान प्रभास म्हणाला होता की तो त्याच्या चाहत्यांचे मनोरंजन करण्यासाठी "सर्व काही करेल". प्रभासने त्याच्या चाहत्यांच्या सतत प्रेमाबद्दल आणि समर्थनाबद्दल आभार मानले होते. आज चित्रपट रिलीज झाल्यानंतर चाहते त्याच्यावर प्रेमाचा वर्षाव करीत आहेत.
हॅशटॅग राधेश्याम ( #RadheyShyam ) ट्विटरवर ट्रेंड करत आहे कारण नेटिझन्सनी प्रभास आणि पूजा स्टारर चित्रपटाला पसंती दिली आहे. राधे श्यामसाठी पार्श्वसंगीत देणारे संगीत दिग्दर्शक थमन हे चित्रपटाचे कौतुक करणाऱ्या पहिल्या सेलिब्रिटींमध्ये आहेत. राधे श्यामची स्तुती करताना थमन यांनी लिहिले, "जेव्हा ते हृदयापासून असते तेव्हा ते कधीही अपयशी ठरत नाही, ह्रदयापासून आपल्या सर्वांसाठी एक मोठा दिवस. खऱ्या प्रेमकथांचा कधीही अंत नसतो राधेश्याम #RadheyShyamBgm."